«Nura toptyq sý qubyry» men «Qazsýshardy» biriktirý jumystary aıaqtalýǵa jaqyn
ASTANA. KAZINFORM – Úkimet otyrysynda Sý resýrstary jáne ırrıgatsııa mınıstriniń birinshi orynbasary Bolat Beknııaz «Nura toptyq sý qubyry» jáne «Qazsýshar» mekemelerin biriktirý qujattary tıisti komıtetke joldanǵanyn aıtty.
«Memleket basshysynyń tapsyrmasy aıasynda «Nura toptyq sý qubyry» RMK men «Qazsýshar» RMK birigýi aıaqtalýda. Qujattar QR Qarjymıni Memlekettik múlik jáne jekeshelendirý komıtetine joldandy», - dedi ol.
Bolat Beknııaz mınıstrlik toptyq sý qubyrlaryn jergilikti ákimdikter menshigine bere bastaǵanyn atap ótti.
«Budan basqa, jergilikti halyqtyń tynys-tirshiligin qamtamasyz etý jáne uıymdastyrý jónindegi ákimshilik reforma sheńberinde sý sharýashylyǵyn basqarýdyń tıimdiligin arttyrý úshin mınıstrlik toptyq sý qubyrlaryn jergilikti atqarýshy organdardyń teńgerimine beredi. Mańǵystaý oblysynda «Qazba-Qyzan-Aqshymyraý», «Basqudyq-Bekı» eki toptyq sý qubyry berildi», - dedi vıtse-mınıstr.
