Nura ózeniniń ruqsat etilmegen jerinde shomylmaq bolǵan 20 jastaǵy jigit sýǵa batyp ketti
TAITÓBE. QazAqparat – Aqmola oblysynyń Tselınograd aýdanynda 20 jastaǵy jigit sýǵa batyp ketti, dep habarlaıdy QazAqparat oblystyq Tótenshe jaǵdaılar departamentiniń baspasóz qyzmetine silteme jasap.
Baspasóz qyzmeti taratqan málimetterge qaraǵanda, ákesimen birge Nura ózenine kelgen 20 jastaǵy jigitti aman alyp qalýǵa, sý aǵynynyń kúshti bolýy, shuńqyrlar men qum kedergi keltirgen.
«11 maýsym kúni Taıtóbe aýylynyń mańyndaǵy Nura ózeninde (tereńdigi 2 m, eni 15 m) Nur-Sultan qalasynyń Tótenshe jaǵdaılar departamentiniń qutqarýshylary saǵat 17-00 shamasynda arnaıy belgilenbegen orynda sýǵa shomylǵan 20 jastaǵy jigitti izdeýdi bastaǵan. Saǵat 19-45-te onyń denesi tabylyp, sýdan shyǵaryldy»,-delingen Tótenshe jaǵdaılar departamentiniń málimetterinde.
