Nura ózenine batyp ketken 18 jastaǵy jigittiń denesi tabyldy-Aqmola oblysy
KÓKShETAÝ. QazAqparat – Aqmola oblysynyń Qorǵaljyn aýdanynda Nura ózenine batyp ketken 18 jastaǵy jigittiń denesi tabylyp, jaǵaǵa shyǵaryldy, dep habarlaıdy QazAqparat tilshisi oblystyq Tótenshe jaǵdaılar departamentiniń baspasóz qyzmetine silteme jasap.
Vedomstvonyń málimetinshe, 2002 jylǵy A.H.Sársenbek mamyrdyń 13-de saǵat 17:00 shamasynda Sabyndy aýlynynan 12 shaqyrymdaǵy Nura ózeniniń shomylýǵa ruqsat etilmegen tusynda sýǵa batyp ketken.
«Sýdan izdestirý jumystaryna Tótenshe jaǵdaılar departamentiniń Jedel qutqarý otrıadynyń 5 qyzmetkeri men 1 tehnıkasy jáne 1 júzý quraly tartyldy. Búgin mamyrdyń 14-de tańǵy saǵat 07:44 shamasynda onyń denesi tabylyp, jaǵaǵa shyǵaryldy. Anyqtalǵandaı, onyń ústinde jeke qutqarý quraly bolǵan joq. Sot-medıtsınalyq saraptama taǵaıyndaldy», - dedi vedomstvodan.
