Nura ózeninde sý tasqyny bastaldy
ASTANA. QazAqparat - Sınoptıkterdiń aqparatyna saı, 26-30 naýryzda Qaraǵandy oblysynyń ózenderinde aýa temperatýrasynyń jylynýyna jáne qardyń erýine baılanysty ózender arnasynan shyǵyp, sý tasqyny bolýy múmkin, dep habarlaıdy óńir basshysynyń resmı saıty.
«26 naýryzda Nura ózeninde sel bastaldy. Naýryzdyń 22 -si men 23-inde jaýyn-shashynnyń qatty jaýǵanyna baılanysty sý Nura ózeniniń bastaýynan kelip jatyr. Alaıda Samarqand sý qoımasyna deıin ol áli jetken joq. Aldaǵy kúnderi aýa temperatýrasy túnde mınýs bolsa, kúndiz jyly bolady. Mundaı jaǵdaı sý tasqynynyń baıaý júretinine septigin tıgizedi», - dep málimdedi «Kazgıdromet» RMK Qaraǵandy oblysy boıynsha fılıalynyń dırektory Roman Andrııanov.
Mamandardyń aıtýynsha, ótken aptada qardaǵy sýdyń qory eki esege deıin qysqarǵan eken.
- Sonymen qatar búginnen bastap naýryzdyń 30-na deıin aýa raıyna qatysty eskertý jarııalanyp otyr. Jaýyn-shashyn bolýyna baılanysty jeke sektorlardaǵy jer úılerge sý ketý jáne avtomobıl joldarynda sý júrý qaýpi bar, - dep atap ótti Roman Andrııanov.
