Nura ózeninde balyqtyń qyrylý sebebi anyqtaldy
NUR-SULTAN. QazAqparat – «Qazgıdromet» mamandary Nura ózeni sýyndaǵy ottegi mólsheri normaǵa túskenin málimdedi, dep habarlaıdy QazAqparat tilshisi.
«Qazgıdromet» zerthanasynyń mamandary Aqmola oblysynyń Tóıtóbe kentinde Nura ózenindegi balyqtardyń qyrylýyna baılanysty 8 mamyr kúni ózen arnasynyń 3 tusynan sýdan synama alyp, zerttegen bolatyn. Atalǵan synamalar sýdaǵy ammonıı men ıon mólsheriniń normadan artqanyn kórsetken.
13 mamyrdaǵy málimetke sáıkes, sý synamasy norma shegine oralǵan.
«Búgin besinshi táýlik qatarynan bıohımııalyq taldaýlar ózen sýyndaǵy ottegi mólsheri norma sheginde (0,8-1,0 mg/dm3) turǵanyn kórsetti», - dep jazylǵan «Qazgıdromet» málimetinde.
