Nura ózeni 250 metr aý men 4 tonna qoqystan tazartyldy
NUR-SULTAN. QazAqparat - Nura ózeni 250 metr aýdan jáne 4 tonna qoqystan tazardy. Bul jaıynda QR Ekologııa, geologııa jáne tabıǵı resýrstar mınıstrliginiń baspasóz hatshysy Samal Ibraeva facebook-tegi paraqshasynda jazdy, dep habarlaıdy QazAqparat tilshisi.
«Búgin búkil el aýmaǵynda «Aýlardan taza - sý aıdyndary» aktsııasy ótip jatyr. Qazaqstan boıynsha 79 sý aıdynyn tazalaýǵa myńdaǵan adam qatysty. Aktsııanyń elordalyq qatysýshylar Nura ózeninde 250 metr zańsyz qurylǵan sıntetıkalyq aýdy jınap alyp, 4 tonna qoqys shyǵardy», - dep jazdy ol.
Aıta keteıik, Qazaqstan Respýblıkasy Ekologııa, geologııa jáne tabıǵı resýrstar mınıstrliginiń bastamasymen qolǵa alynǵan aktsııanyń maqsaty – sý aıdyndardy tastap ketken jáne zańsyz qoıylǵan aýlardan tazalaý. Sharaǵa oblystyq orman sharýashylyǵy jáne janýarlar dúnıesi aýmaqtyq ınspektsııa mamandary, jergilikti memlekettik organdar, balyq sharýashylyǵy sýbektileri, orman sharýashylyqtary, ekologııalyq uıymdar, belsendiler men eriktiler qatysýda.
