Nura-Esil kanalyn tazartý jol kartasy aıasynda júzege asyrylmaq - Aýyl sharýashylyǵy mınıstri
ASTANA. Qańtardyń 11-i. QazAqparat /Rýslan Ǵabbasov/ - Agrokeshende 26 iri jobany júzege asyrý josparlanyp otyr. Bul týraly búgin Úkimette ótip jatqan selektorlyq keńeste Aýyl sharýashylyǵy mınıstri Aqylbek Kúrishbaev málim etti,
dep habarlaıdy QazAqparat.
Onyń aıtýynsha, bul jobalardyń ishinde 9-y bıylǵy jylǵy maýsymnyń 1-ine deıin, qalǵan 17 joba maýsymnyń 1-inen keıin iske qosylmaq. Barlyq jobalar boıynsha shtattardyń quramdary anyqtaldy.
A. Kúrishbaevtyń sózine qaraǵanda, sonymen qatar mınıstrlik 2010-2011 jyldary júzege asyrylatyn sý sharýashylyǵy salasynda 3 iri jobany engizdi. Bular júıe quraýshy mańyzdy jobalar ekenine toqtalǵan mınıstr, onda Nura - Esil kanalyn qaıta qalpyna keltirý, Nura ózenin tehnogendik lastanýdan tazartý jobalary bar ekenin jetkizdi.
Atap aıtqanda, Nura-Esil kanalyn tazartý jol kartasy aıasynda júzege asyrylmaq.
