«Nur joly» baqylaý-ótkizý beketi 21-23 naýryz kúnderi jumys istemeıdi

NUR-SULTAN. QazAqparat – Naýryz merekesiniń toılanýyna baılanysty Qytaımen shekaradaǵy «Nur Joly» baqylaý-ótkizý beketi 21-23 naýryz kúnderi jumys istemeıdi, dep habarlaıdy QazAqparat.

Qarjy mınıstrliginiń baspasóz qyzmeti osyndaı málimet taratty.

«Qytaımen shekaradaǵy «Nur Joly» baqylaý-ótkizý beketi 2021 jyldyń 21-23 naýryz kúnderi jumys istemeıdi. Shekteýler Qazaqstan Respýblıkasynda Naýryz meıramynyń toılanýymen baılanysty. Atap aıtqanda, bul kúnderi azamattar, kólik quraldary men júk memlekettik shekara arqyly ótkizilmeıdi» -dep jalyzǵan resmı málimette.

Mınıstrlik osyǵan baılanysty tasymaldaýshylar men jolaýshy azamattarǵa aldaǵy kúnderge jospar qurarda osy shekteý sharalaryn eskerýdi surap otyr.