«Nur Suńqar» baıqaýynda top jarǵan jýrnalısterge 1 mln. teńgeden tabystaldy
Ashylý saltanaty rásiminde «Nur Otan» partııasy Tóraǵasynyń birinshi orynbasary Baýyrjan Baıbek BAQ ókilderin kásibı merekesimen quttyqtap, bıylǵy jylǵy «Nur Suńqar» syılyǵyna degen yqylastyń zor bolǵanyn aıtty.
«Búgingi kúni birde-bir tarıhı sheshim men birde-bir reformanyń BAQ -ta nasıhattalyp jáne talqylanýynsyz júzege asýy múmkin emes. «Nur Otan» partııasynyń saıası Doktrınasynda «jaýapty azamattyq qoǵam» memlekettiń demokratııalyq damýynyń faktory retinde belgilengen. Biz azamattyq bastamalardyń damýy, qoǵamdyq birlestikterdiń keń maǵynadaǵy dıalogy, qoǵamdyq baqylaýdy nyǵaıtý úshin jaǵdaı jasaýymyz qajet», - dep atap ótti B.Baıbek. Óz kezeginde sóz alǵan QR Baılanys jáne aqparat agenttiginiń tóraǵasy Asqar Jumaǵalıev «Sońǵy on jyldyń ishinde Qazaqstan medıanaryǵynda birneshe oń ózgerister bolyp jatyr: biz sandyq efırlik teledıdardy iske qosýdamyz, otandyq telearnalarymyzda óz ónimderimizdiń baǵdarlamalary kóbeıýde. Ár jańa kezeń saıyn buqaralyq aqparat quraldarynyń aýdıtorııasy tartymdy bolyp barady. Sondyqtan da qazaqstandyq medıa ári qaraı da básekege qabilettiligin damytyp, kontentiniń sapasyn arttyra túsýi kerek» ekenin tilge tıek etti. Bıylǵy jyly elimizdiń barlyq aımaǵynan «Nur Suńqar» baıqaýyna qatysýǵa nıet bildirgen 221 ótinish kelip tústi. Baıqaýǵa Elbasy, «Nur Otan» partııasy Tóraǵasy Nursultan Nazarbaev qoıǵan mindetterdiń júzege asyrylýyn, «Qazaqstan-2050» Strategııasynyń basymdyqtaryn, «Nur Otan» partııasy Doktrınasynyń qaǵıdalaryn, sondaı-aq partııalyq bastamalardy jan-jaqty kórsetken eńbekter qabyldandy. Konkýrs komıssııasynyń birinshi kezeńiniń nátıjesinde 114 jumys iriktelip alyndy.
Jeńimpazdarǵa 7 atalym boıynsha syılyq tabys etildi: 1. «Sóz sheberi» atalymy - eń úzdik gazet jýrnalısi - Súleımen Mámet, «Egemen Qazaqstan» respýblıkalyq gazetiniń sholýshysy; 2. «Erekshe pikir» atalymy - eń úzdik televızııalyq jýrnalıst - Maııa Bekbaeva, «Jetinshi kanal» telearnasy «Drýgımı slovamı» saraptamalyq qorytyndy baǵdarlamasynyń júrgizýshisi; 3. «Medıa-profı» - atalymy - eń úzdik aqparattyq agenttik jýrnalısi - Anar Bazmuhametova, «Bnews.kz» aqparat agenttiginiń bas redaktory; 4. «Aımaq aınasy» atalymy - eń úzdik óńirlik korrespondent - Gúlzına Bektas, «Aıqyn» gazeti rýhanııat, áleýmet bóliminiń redaktory; 5. «Kózqaras» atalymy boıynsha - eń úzdik bloger bolyp - Órken Kenjebek pen ıAkov Fedorov tanyldy; 6. «Qazaqstandyq jýrnalıstıkaǵa qosqan úlesi úshin» atalymy - Nurjan Muhamedjanova, Qazaqstan» RTRK AQ Basqarma tóraıymy; 7. «Partııa qyzmeti týraly eń úzdik materıal úshin» atalymy - Olga Tsoı, «Habar» telearnasynyń shef-redaktory jáne «Jeti kún» baǵdarlamasynyń júrgizýshisi».
Ár atalym boıynsha 1 mln. teńge kóleminde aqshalaı syılyq berildi.
Sondaı-aq saltanatty rásim ústinde QR Baılanys jáne aqparat agenttiginiń «Aqparat salasynyń úzdigi» tólbelgileri tabys etildi. Qurmetti belginiń ıegerleri bolǵandar: 1. Isa Qazybek - «Qazaq úni» gazetiniń bas redaktory; 2. Leıla Qazıaqparova - júrgizýshi, «Astana» telearnasy jańalyqtar bóliminiń tilshisi; 3. Zarına Bahtıeva - «Kazkontent» AQ basqarma tóraǵasynyń orynbasary; 4. Natalıa Absalıamova - «Ekspress K» gazetiniń arnaıy tilshisi; 5. ıÝrıı Te - «Habar» agenttigi AQ tehnıkalyq dırektsııasy Beınemontaj bóliminiń bastyǵy; 6. Maksım Popov - Astana qalasyndaǵy «Tengrinews.kz» aqparat agenttiginiń tilshisi; 7. Meıirjan Jıenáli - "Qazaqstan" RTRK" AQ aqparattyq baǵdarlamalar dırektsııasy «Apta KZ» baǵdarlamasynyń júrgizýshi-redaktory; 8. Vıacheslav Paşenko - «Interfax.kz» aqparat agenttiginiń bas redaktory; 9. Aleksandr Aksıýtıts - «24KZ» telearnasynyń dırektory; 10. Qoshan Zarly - «Qazaq radıosynyń» ádebı júrgizýshisi.
Ótken sharaǵa respýblıkalyq jáne aımaqtyq BAQ bas redaktorlary men jýrnalısteri, baspasóz hatshylary, memlekettik uıymdar ókilderi, belgili qoǵam qaıratkerleri, saıasatkerler men QR Parlamentiniń depýtattary - «Nur Otan» partııasynyń músheleri qatysty.
