Nur-Sultannyń jylý jelilerine 8 mlrd teńge ınvestıtsııa tartylmaq
«Investıtsııalyq baǵdarlama sorǵy stantsııalarynyń, jylý jelileri men basqa da negizgi quraldardyń negizgi jáne qosalqy jabdyqtarynyń aǵymdaǵy tehnıkalyq jaǵdaıyn, ekonomıkalyq jáne tehnıkalyq jobalardyń basymdyqtaryn, sonyń ishinde tartylǵan aktıvterdi paıdalaný koeffıtsıentin arttyrýǵa, jylý energııasynyń ysyraptaryn azaıtýǵa, arttyrýǵa baǵyttalǵan sharalardy eskere otyryp jasaldy. 2021-2025 jyldarǵa arnalǵan ınvestıtsııalyq baǵdarlamany qarjylandyrý kózi tasymaldaý jáne tehnologııa boıynsha tarıftik smetada kózdelgen amortızatsııalyq aýdarymdar bolyp sanalady. Investıtsııalyq baǵdarlama 2021-2025 jyldarǵa qoıylǵan mindetterdi oryndaýǵa arnalǵan, jalpy ınvestıtsııa kólemi 9 mlrd teńgege jýyq», - deıdi Qanat Mýkın.
Onyń aıtýynsha, «Nurly jol» memlekettik baǵdarlamasy aıasynda jylýmen jabdyqtaý nysandaryn salý úshin Kompanııa «Nur-Sultan qalasynyń otyn-energetıkalyq kesheni jáne kommýnaldyq sharýashylyq basqarmasy» memlekettik mekemesimen kólemi 53 mlrd. teńge bolatyn nesıelik stavkasy boıynsha jyldyq 2,2% -ben tórt nesıelik kelisimshart jasady. Kompanııaǵa negizgi qaryzdy tóleýge alty jyl jeńildik kezeńi berildi.
Tólem boıynsha mindettemeler 2021 jyldan bastap iske asady. 2021 jyly tólemder 1,5 mıllıard teńgeni, 2022 jyly 3 mıllıard teńgeni, 2024 jyly 3 mıllıard 230 mıllıon teńgeni, 2025 jyly - 3,5 mıllıard teńgeni quraıdy.
«Astana-Teplotranzıt» AQ ınvestıtsııalyq baǵdarlamasy Tabıǵı monopolııalardy retteý komıtetiniń Nur-Sultan qalasy boıynsha departamenti men «Nur-Sultan qalasynyń otyn-energetıkalyq kesheni men kommýnaldyq sharýashylyqty basqarý» memlekettik mekemesiniń birlesken buıryǵymen jalpy somasy 8,8 mlrd. teńge bolatyn ınvestıtsııa bekitti, bul jobada aıtylǵan somadan 235 mln teńgege az», - deıdi ol.
Investıtsııanyń 90%-y jylý jelilerin qaıta qurýǵa baǵyttalǵan.
