Nur-Sultannyń sý aıdyndarynda demalys jáne mereke kúnderi qaýipsizdik sharalary kúsheıtiledi
Bul týraly Nur-Sultan qalasynyń tótenshe jaǵdaılar departamenti basshysynyń mindetin atqarýshy Esen Baıyrov ákimdiktiń aqparat alańynda ótken onlaın brıfıngide aıtty.
«Jyl saıyn elordanyń jaǵalaýlarynda demalýshylardyń sany artyp keledi. Osyǵan baılanysty qalalyq tótenshe jaǵdaılar departamenti adamdardyń sýǵa batýyna jáne shomylý kezinde jaraqattanýyna jol bermeý úshin barlyq qajetti is-sharalar júrgizip otyr. Qazirgi tańda departamenttiń ıeliginde 29 qutqarýshy, súńgý jaraqtarymen jabdyqtalǵan eki súńgýir tehnıka, alty júzý quraly, basqa da qutqarý jabdyqtary paıdalanýǵa daıyn tur», - dedi departament basshysy.
Onyń aıtýynsha, shomylý maýsymynda qaladaǵy sý aıdyndarynda kún saıyn 80-nen astam adam qaýipsizdik sharasyn qadaǵalamaq.
«Reıdter júrgiziledi. Mereke jáne demalys kúnderi qyzmetkerler sany kóbeıtilip otyrady. Elorda turǵyndary men qonaqtaryna shomylý qaýipsizdiginiń erejelerin úgit-naıshat paraqtaryn taratý arqyly túsindiremiz. 19 ákimshilik hattama jasaldy. Ákimdikpen birlesip 140 tyıym salý belgisi ornatyldy, 20 aqparattyq stend ornatyldy», - dedi Esen Baıyrov.