Nur-Sultannyń sol jaǵalaýynda birneshe turǵyn úı kesheni jaryqsyz qaldy
NUR-SULTAN. QazAqparat – Elordanyń sol jaǵalaýynda birneshe turǵyn úı kesheni jaryqsyz qaldy, dep habarlaıdy QazAqparat tilshisi.
«2020 jyldyń 15 mamyrynda saǵat 17.45-te tehnologııalyq aqaýǵa baılanysty 5 turǵyn úı keshenin (Almaty, Syǵanaq, Túrkistan kóshelerin) elektr qýatymen qamtyp otyrǵan «Levoberejnaıa» podstantsııasynyń №120 – 10 kV-lyq uıashyǵy óship qaldy. «Astana-REK» AQ-tyń jedel áreket etý brıgadasy elektr qýatynyń óship qalýyn anyqtap, rezervti kabeldik jelini iske qosý úshin oqıǵa ornyna birden shyqty», - dep habarlady «Astana-REK» kompanııasynan.
Saǵat 19.04-te shekteýlerdiń bári alynyp tastalyp, turǵyn úı keshenderiniń bári elektr qýatyna qosyldy.
Mundaǵy sebep – «Arnur servıs-2005» JShS balansyndaǵy kabel jelisiniń zaqymdanýynan bolyp otyr. Aqaýdy joıý jumysyn «Astana-REK» kompanııasynyń brıgadasy atqarady.
Aıta keterligi jaryqtardyń óshýiniń bári de avtomatty túrde iKOMEK 109 baılanys ortalyǵyna joldanady.
«Jaryqtyń óship qalýyna baılanysty qala turǵyndary 109 nómirine - iKOMEK 109 baılanys ortalyǵyna habarlasa alady. Keltirilgen yńǵaısyzdyq úshin keshirim ótinemiz», - dep habarlady «Astana-REK» kompanııasynan.
