Nur-Sultannyń saýda ortalyqtarynyń birinde áıel adam qaıtys boldy
NUR-SULTAN. QazAqparat – Nur-Sultan qalalyq Polıtsııa departamentiniń baspasóz qyzmeti «Álem» saýda úıinde qaıtys bolǵan áıel týraly túsinikteme berdi, dep habarlaıdy QazAqparat tilshisi.
Búgin áleýmettik jelide «Álem» saýda ortalyǵynda bir áıeldiń qaıtys bolǵany týraly vıdeojazba paıda boldy.
«27 naýryz kúni saǵat 12.27-de «Álem» saýda úıiniń birinshi qabattaǵy pavılonynda 70 jastaǵy áıeldiń máıiti tabyldy. Máıitte eshqandaı dene jaraqaty bolmaǵan. Onyń jeke zattaryn tekserý barysynda bas aınalýdan, búırektiń sozylmaly qabynýynan, gıpertonııa men bas aýrýlarynan tabletkalar tabyldy», - delingen deparatmenttiń resmı habarlamasynda.
Sonymen birge, marqumnyń qant dıabeti jáne arterıaldyq gıpertenzııa aýrýlary boıynsha dıspanserlik esepte turǵandyǵy anyqtaldy.
«Atalǵan fakti boıynsha polıtsııa qyzmetkerleri sotqa deıingi tergeýdi bastady. Qajetti sot-medıtsınalyq saraptamalar taǵaıyndaldy», - deıdi departamenttiń baspasóz qyzmeti jetekshisiniń mindetin atqarýshy Elmıra Shaýlenova.
