Nur-Sultannyń kolledj stýdentteri búgin onlaın oqıdy

NUR-SULTAN. QazAqparat – Nur-Sultan qalasynda kolledj stýdentteri onlaın oqýǵa kóshirildi, dep habarlaıdy QazAqparat.

«30 naýryz kúni aýa raıynyń qolaısyzdyǵyna baılanysty qala kolledjderiniń birinshi aýysymyndaǵy stýdentteri úshin sabaq qashyqtan oqytý formatyna aýysady», - delingen Bilim basqarmasynyń málimetinde.

Eske sala keteıik, keshe saǵat 19:00-den bastap elordada boran, ekpindi jel, qalyń qar men kóktaıǵaqqa baılanysty eskertý jarııalandy.

Tótenshe jaǵdaılar departamenti astanadan shyǵatyn respýblıkalyq jáne oblystyq mańyzy bar barlyq avtojoldy japty, jedel shtab quryp, shuǵyl telefon jelisin ashty.

Búgin qala mańyndaǵy eldi mekenderge baratyn barlyq jolaýshylar avtobýsynyń qozǵalysy ýaqytsha toqtatyldy.