Nur-Sultannyń qaı aýdanynda emhana salý qajet
NUR-SULTAN. QazAqparat – Nur-Sultan qalalyq qoǵamdyq densaýlyq saqtaý basqarmasy qalanyń qaı aýdanynda emhana salý qajettigi baryn jarııa etti, dep habarlaıdy QazAqparat tilshisi.
Basqarmanyń málimetinshe, Nur-Sultan qalasynda 1 mıllıon 182 myń adam emhanaǵa tirkelgen.
«Ýchaskelerdiń sany - 716. Qaladaǵy ár dárigerge 1700 adamnan aınalady. Qalada memlekettik emhanalardyń sany - 15. Al jeke emhanalardyń sany - 19. Jeke emhanalar da tegin medıtsınalyq kómektiń kepildendirilgen kólemi aıasynda qyzmet kórsetedi», - dep habarlady Nur-Sultan qalalyq qoǵamdyq densaýlyq saqtaý basqarmasynan.
Vedomstvonyń málimetinshe, Nur-Sultan qalasynda taǵy da emhana salý qajettigi Internatsıonalnyı turǵyn kesheninde týyndap otyr.
Eske sala ketsek, QR Densaýlyq saqtaý mınıstrliginiń resmı ókili Baǵdat Qojahmetov buǵan deıin 15 qyrkúıek pen 15 qarasha aralyǵynda el turǵyndary ózderi qalaǵan emhanaǵa tirkele alatynyn jarııalaǵan bolatyn.
