Nur-Sultannyń bas sanıtarlyq dárigeri halyqqa úndeý jasady
«Qurmetti elorda turǵyndary men qonaqtary! Búkil álemde COVID-19 epıdemıologııalyq jaǵdaıyn turaqtandyrý úshin qajetti sharalar qabyldanýda, onyń ishinde halyq arasynda ujymdyq ımmýnıtetti qalyptastyrý bar. Ujymdyq ımmýnıtettiń ońtaıly deńgeıine qol jetkizý úshin qala halqynyń keminde 60%-yn COVID-19-ǵa qarsy vaktsınamen qamtý qajet. Búgingi tańda ózin-ózi oqshaýlaý jáne basqa da shekteý sharalarynyń balama sheshimi – vaktsınalaý bolyp otyr», - dedi Sarhat Beısenova elorda ákimdiginiń brıfınginde.
Spıkerdiń aıtýynsha, elorda turǵyndarynyń 14,3%-y COVID-19-ǵa qarsy vaktsınanyń bir dozasyn alǵan.
«Demek, biz jappaı ımmýnıtetke qol jetkizýge birtaban jaqyndap, COVID-19-dy jeńýdemiz. Biz vaktsınany qala turǵyndaryna qoljetimdi etý úshin bárin jasap jatyrmyz. Osy oraıda, men barshańyzdan búginge deıin qol jetkizgen jetistikterimizdi saqtap, jańa qalypty jaǵdaıǵa oralý úshin vaktsına alýǵa shaqyramyn. Sondaı-aq, turǵyndardan buqaralyq is-sharalarǵa, aktsııalarǵa jáne utys oıyndaryna qatyspaýlaryńyzdy ótinemin. Mundaı sharalardy tek onlaın rejıminde uıymdastyrýyńyzdy suraımyz, óıtkeni qala burynǵysynsha qyzyl aımaqta ornalasqan», - deıdi S. Beısenova.
Aıta keteıik, mamyr aıynyń basymen salystyrǵanda 100 myń turǵynǵa shaqqandaǵy aptalyq syrqattaný kórsetkishi 210-nan 110-ǵa deıin tómendedi. Bir aptada SOVID-19 boıynsha 1315 jaǵdaı tirkeldi, syrqattaný kórsetkishi aldyńǵy aptadan 18%-ǵa tómen.
9 maýsymdaǵy jaǵdaı boıynsha elorda halqynyń 9,4% nemese 111 683 adam eki komponentti tolyq aldy. Birinshi komponentpen 169 632 adam nemese 14,3% qamtylǵan.
