Nur-Sultannyń árbir turǵyn úı alabynda iQala keńsesi ashylady

NUR-SULTAN. QazAqparat – Nur-Sultan qalasynyń Tsıfrlandyrý jáne memlekettik qyzmet basqarmasy basshysynyń orynbasary Amanjol Estekov qalanyń árbir turǵyn úı massıvinde iQala keńsesi ashylatynyn málim etti, dep habarlaıdy QazAqparat tilshisi.

«Qazirgi ýaqytta Nur-Sultan qalasynyń ákimdigi memlekettik qyzmettiń 164 túrin kórsetedi. Onyń ishinde 12 memlekettik qyzmet qaǵaz nusqada kórsetiledi. Bizdiń basqarma «ns.gov.kz» portalyn ázirlegen bolatyn. Osy 12 qyzmet túrin osy portal arqyly elektrondy túrde alýǵa bolady. Bul portaldy halyq pandemııa men lokdaýndar kezinde belsendi paıdalandy. Sondaı-aq, geoportal bazasynda sáýlet jáne jer qatynastary salasyndaǵy 16 qyzmet avtomattandyryldy. Bul baza eGov-pen ıntegratsııalandy. ıAǵnı, eGov-tan jibergen ótinimderi avtomatty túrde bizdiń portalǵa túsedi. Qazir aqparattyq qaýipsizdigin synaqtan ótkizip jatyrmyz. Synaq bitken soń júıe iske qosylady», - dedi dedi ákimdik ókili qalalyq máslıhattyń turaqty komıssııa otyrysynda.

Sondaı-aq, ol «bir tereze» qaǵıdaty boıynsha qyzmet kórsetetin iQala ortalyǵynyń aıasyn keńeıtý qajettigin atady.

«iQala ortalyǵynyń iske qosylǵannan beri 270 myń qyzmet kórsetildi. Onyń 49 myńy bıyl kórsetildi. Bıyl osy iQala ortalyǵynyń aýqymyn keńeıtip, Saryarqa, Esil aýdandarynda qosymsha keńselerin ashpaqshymyz.

Bul ortalyqtan qyzmettiń bárin elektrondy túrde alýǵa bolatynyna qaramastan, adamdardyń kóbi oflaın kelip júr. Bıyl kórsetilgen 49 myń qyzmettiń tek 13 myńy ǵana onlaın formatta kórsetilgen. Qalǵan 36 myńy oflaın formatta kórsetilgen. Qazir qalanyń ár aýdanynda tym bolmasa bir ortalyq ashý kerek dep esepteımiz. Keıin árbir turǵyn úı massıvinde iQala keńsesin ashýdy josparlap otyrmyz», - dedi Amanjol Estekov.

«Azamattarǵa arnalǵan úkimet» mekemesiniń Nur-Sultan qalasy boıynsha fılıalynyń dırektory Mádı Sadanovtyń aıtýynsha, qalanyń halyqqa qyzmet kórsetý ortalyqtarynda JSN-ge ótinish berýshi sheteldikter kóbeıgen.