Nur-Sultannyń 100 turǵyny 1 mln teńgeden baspana sertıfıkatyn aldy
«Elorda kúni qarsańynda 1 mln teńgeniń turǵyn úı sertıfıkatyn tabys etý sharasyn ótkizýimiz - qýantarlyq jaıt. Bul soma úsh sanattaǵy, atap aıtqanda bilim berý, densaýlyq saqtaý jáne quqyq qorǵaý organdary salalarynyń azamattary úshin úlken kómek. Bul ıgi shara «Nurly jer» memlekettik baǵdarlamasy aıasynda osy jyldyń basynda bastaý alǵan edi. Baǵdarlama Turǵynúıqurylysjınaqbanki arqylyjúzege asyrylady. Jyldyń basynda mundaı sertıftıkatty 147 azamat alǵan edi. Endi, mine, búgin taǵy 100 adamǵa tabystap otyrmyz», -dedi Nur-Sultan qalasy ákiminiń orynbasary Erlan Kanalımev.
Onyń aıtýynsha, búgin sertıfıkat alǵan azamattardyń shamamen 90-y bıýdjet qalasynda, al qalǵandary densaýlyq saqtaý jáne quqyq qorǵaý organdarynda jumys isteıdi.
«Olar - tólem qabiletin jáne turaqty tabysy bar ekenin dáleldegen adamdar. Bul azamattar úshin atalǵan soma bastapqy jarnany tóleý úshin aıtarlyqtaı kómek bolady», - dedi ol.
Aıta keterligi, bıyl turǵyn úı sertıfıkaty úshin qala bıýdjetinen 1,5 mlrd teńge qarastyrylǵan.
