Nur-Sultannan shyqqan jolaýshylar avtobýsy Qyzylorda trassasynda turyp qaldy
QYZYLORDA. QazAqparat – «Qyzylorda-Jezqazǵan» trassasynda qalyp qoıǵan avtobýs jolaýshylary qutqaryldy, dep habarlaıdy QazAqparat tilshisi.
Alty adam mingen jolaýshylar avtobýsy qozǵaltqyshtyń isten shyǵýynan «Qyzylorda-Jezqazǵan» tasjolynyń 210-shaqyrymynda jol jıeginde turyp qalǵan.
Avtobýsty Qyzylorda oblystyq Polıtsııa departamenti patrýldik polıtsııa rotasynyń ınspektorlary Baýyrjan Aǵybaev pen Meırambek Óteýov qyzmetterin atqarý barysynda baıqaǵan.
«Jolaýshylar avtobýsynyń qozǵaltqyshy isten shyǵyp, toqtap qalǵany anyqtaldy. Salonda barlyǵy alty adam bolǵan. Jolaýshylar avtobýsy Nur-Sultan qalasynan shyǵyp Túrkistan oblysynyń Jetisaı qalasyna bet alyp bara jatqan eken. Polıtseıler buzylǵan avtokóliktiń júrgizýshileri men jolaýshylaryn tamaqpen qamtamasyz etti. Buzylǵan avtokólikti Qyzylorda qalasyna deıin jetkizýge qol ushyn sozdy», - dedi Qyzylorda oblystyq Polıtsııa departamentiniń baspasóz qyzmetinen.
Eske salaıyq, Qyzylorda oblysynda eki kún boıy esigi jabyq páterde es-tússiz jatqan qarııa qutqarylǵan bolatyn.
