Nur-Sultannan shyǵatyn búkil avtojoldar ashyldy
NUR-SULTAN. QazAqparat - Aýa raıynyń turaqtalýyna baılanysty elordadan shyǵatyn birqatar joldar ashyldy, dep habarlaıdy QazAqparat.
Ikomek qalalyq shuǵyl qyzmeti taratqan málimetke sensek, 7 naýryz kúni saǵat 12.00-den bastap Nur-Sultannan shyǵatyn búkil respýblıkalyq joldar ashylǵan.
Atap aıtqanda, «Nur-Sultan - Petropavl» jolynyń 18-231 shaqyrymdarynyń aralyǵynda, «Nur-Sultan - Şýchınsk», «Nur-Sultan - Jaqsy aýyly» jáne «Ekaterınbýrg - Almaty» jolynyń 917-1247 shaqyrym aralyǵynda kóliktiń barlyq túrleriniń qozǵalysyna ruqsat berildi.
Eske sala keteıik, keshe burqasyn men kóktaıǵaqqa baılanysty Şýchınsk pen Temirtaý baǵytyna shyǵatyn joldardaǵy kólik qozǵalysy toqtaǵanyn jazǵan bolatynbyz.
Sonymen qatar búgin tańerteń qala mańyna qatynaıtyn 9 avtobýs ýaqytsha júrmeıtin boldy.
