Nur-Sultannan Pavlodarǵa ushaqpen myń teńgege barýǵa bolady
NUR-SULTAN. QazAqparat - FlyArystan áýe kompanııasy Nur-Sultan-Pavlodar jáne keri baǵytta ushaq bıletterin sýper naýqanmen satatyndyǵyn jarııalady. Bul jaıynda kompanııanyń Facebook-tegi paraqshasynda aıtylǵan, dep habarlaıdy QazAqparat tilshisi.
«FlyArystan áýe kompanııasy Pavlodar-Nur-Sultan nemese Nur-Sultan-Pavlodar baǵyttarynda ushaq bıletterin 999 teńgeden satý týraly sýper naýqannyń bastalǵanyn jarııalaıdy. Aktsııa boıynsha jalpy 3 myń orynǵa bılet satylady. Bıletterdiń satylym merzimi: 26.09.19-30.09.19. Ushý kezeńi: 04.10.19-12.12.19», - delingen taratylǵan aqparatta.
Atalǵan bıletti satyp alǵan adamdarǵa ushaqta kezdeısoq oryn berilip, 5 keli qol júgin tegin alyp júre alady. Birjaqty bılet quny áýejaı alymdarymen qamtylǵan, qyzmet alymy eskerilmegen. 999 teńgelik bıletter naýqan kezinde nemese tolyq satylyp bitkenge deıin qoljetimdi bolady.
