Nur-Sultanǵa ótken jyly qansha týrıst keldi
«AstanaInvest qalalyq ınvestıtsııalardy damytý ortalyǵy» JShS tóraǵasynyń orynbasary Jalǵas Moljigittiń aıtýynsha, 2021 jyldyń sońǵy 9 aıynda elordanyń týrıstik aǵyny 88%-ǵa artty. Ásirese ishki týrızmde ósý baıqalǵan.
«Elordaǵa kelgen týrısterdiń jalpy sany – 525 myń adam. Onyń 52 myńy syrttan kelse, 475 myńnan astamy – ishki týrıster. Ornalastyrý boıynsha kórsetilgen qyzmetter 2021 jyldyń 9 aıynda ótken jylmen salystyrǵanda 41%-ǵa artty. Bul qonaq úı bıznesine qatysty», - dedi J. Moljigit Nur-Sultanda ótken jınalysta.
Spıkerdiń aıtýynsha, áýe kompanııalaryndaǵy jolaýshylar aǵyny 48%-ǵa ósip, temirjol tasymaldary boıynsha – 21%-ǵa azaıǵan.
«2021 jyldyń 9 aıynda syrttan kelgen týrıster sany 2020 jylmen salystyrǵanda: Reseıden keletin týrıster – 18%-ǵa, Túrkııadan keletin týrıster – 19%-ǵa, Ýkraınadan keletin týrıster – 20%-ǵa artqan. Koronavırýs shekteýlerine baılanysty alys shetelden týrıster az keldi. Qazir epıdjaǵdaıymyz túzelip keledi, bıyl sheteldik týrısterdiń kóbeıedi, oǵan qosa ishki týrızm de damı túsedi dep úmittenemiz», - dedi Jalǵas Moljigit.
Aıta keteıik, 2021 jyly 30 sáýirde Prezıdent Týrıstik qyzmet týraly zańǵa engen túzetýlerge qol qoıdy, onda 2022 jylǵy 1 qańtardan bastap memlekettik qoldaýdyń jańa 7 sharasy kózdelgen.
