Nur-Sultanǵa qonaqqa kelgen sheteldik áıel páterdi 20 mln teńgege tonap ketti
NUR-SULTAN. QazAqparat – Elordada páterden 20 mln teńgeniń zatyn urlap ketti degen kúdikpen shetel azamaty ustaldy, dep habarlaıdy QazAqparat tilshisi.
«Jedel izdestirý sharalaryn júrgizý barysynda páterden zergerlik buıymdar men tanymal brendterdiń kıim-keshegin qoldy qylǵan Ózbekstan Respýblıkasynyń azamaty ustaldy. Tergeý barysynda áıeldiń páterge úı ıesiniń shaqyrýymen kelgeni anyqtaldy. Ol er adamnyń senimine kirgen. Keltirilgen shyǵyn kólemi – 20 mıllıon teńge. Urlanǵan zattardyń ishinde qymbat turatyn shveıtsar qolsaǵaty, áshekeı buıymdar, kıim men basqa da zattar bar», - dep habarlaıdy qalalyq Polıtsııa departamentiniń baspasóz qyzmetinen.
Vedomstvo málimetinshe, kúdikti páter urlyǵyn jasaǵanyn moıyndaǵan. Qazir ol ýaqytsha oqshaýlaǵyshta otyr. QR QK-niń 188-baby boıynsha sotqa deıingi tergeý amaldary bastaldy. Shetel azamatynyń basqa da qylmystarǵa qatysy bar-joǵy anyqtalýda.
