Nur-Sultanǵa 22 naýryzdan beri 1712 jolaýshy ushyp kelgen
NUR-SULTAN. QazAqparat – 22-27 naýryz aralyǵynda elordaǵa 18 reıspen 1485 jolaýshy kelgen, dep habarlaıdy QazAqparat tilshisi.
«Nurcultan Nazarbaev atyndaǵy halyqaralyq áýejaıǵa keletin adamdardy oqshaýlaý boıynsha jumystar júrgizilip jatyr. 22 -27 naýryz aralyǵynda elordaǵa 18 reıspen 1485 jolaýshy keldi, onyń ishinde úsheýi – sábı. Barlyq jolaýshylardan zerthanalyq zertteýler úshin bıomaterıaldary alyndy. Qazirgi kezde olardyń úsheýinen koronavırýs anyqtaldy.
Olardy oqshaýlap, baılanysta bolǵan adamdardy anyqtaý jumystary jalǵasýda», - dedi Nur-Sultan qalasynyń qoǵamdyq densaýlyq saqtaý basqarmasynyń basshysy Sáýle Qısyqova.
Al 27-28 naýryz aralynda elordaǵa taǵy úsh reıs kelgen.
«Bul reıstermen kelgen adamdar sany – 227. Olardan synama alyp, zerthanalyq jaǵdaıda tekserip jatyrmyz», - dep tolyqtyrdy ol.
