Nur-Sultandaǵy jumyssyzdyq deńgeıi – 4,6%

NUR-SULTAN. QazAqparat – Nur-Sultan qalasynyń ekonomıka jáne bıýdjettik josparlaý basqarmasynyń basshysy Qaısar Manqaraev elordadaǵy jumyssyzdyqtyń qaı deńgeıde ekenin aıtty, dep habarlaıdy QazAqparat tilshisi.

Basqarma basshysynyń aıtýynsha, shaǵyn jáne orta bıznes salasynda birinshi jartyjyldyq qorytyndysy boıynsha ónim shyǵarý kólemi 3 trln 981 mlrd teńgeni qurady, bul ótken jyldyń sáıkes kezeńimen salystyrǵanda 38,7%-ǵa kóbirek.

«2021 jyldyń ekinshi toqsanynda jumyssyzdyq deńgeıi 4,6%-dy qurady. Kásipkerlikti damytýdyń ulttyq jobasyn iske asyrý jyl saıyn ekonomıkanyń qyzmet kórsetý salalarynda 23 myńǵa jýyq turaqty jumys ornyn qurýǵa múmkindik beredi», - dedi Qaısar Manqaraev qalalyq máslıhattaǵy turaqty komıssııa otyrysynda.

Sondaı-aq, spıkerdiń aıtýynsha, 9 aıda Nur-Sultandaǵy ónerkásiptik óndiris 982,5 mlrd teńgeni qurady, munda 12,6% ósim bar. Jyl basynan beri 2 mln sharshy metrden astam turǵyn úı paıdalanýǵa berilgen, bul 2020 jyldyń kórsetkishinen 11%-ǵa joǵary.