Nur-Sultandaǵy jol apaty: Avtokólik soqqan dúńgirshek satýshysy úıine qaıtaryldy
Kýágerlerdiń vıdeosynda kórsetilgendeı, jol apaty saldarynan avtokólikterdiń biri dúńgirshekpen soqtyǵysqan. Polıtsııa departamentinen túsindirilgenindeı, dúńgirshekke «Lifan H50» markaly avtokólik kirip ketken.
«Dúńgirshektiń ishinde satýshy áıel bolǵan. Oǵan medıtsınalyq kómek kórsetilgennen keıin úıine jiberildi. Jaǵdaıy jaqsy. Bári de dúńgirshek ishindegi áıel kóz jumdy dep oılasa kerek. Al negizi jol qıylysynda baǵdarshamnyń jasyl túsiniń janýyn kútip turǵan áıel qaza tapty», - dep habarlaıdy Nur-Sultan qalalyq Polıtsııa departamentinen.
Eske sala ketsek, 19 mamyr kúni saǵat 12:05-te Abylaıhan dańǵyly boıynda «Nissan XTrail» markaly kóligi «Lifan H50» avtomashınasyna soqtyǵysyp, qatty soqqy saldarynan «Lifan H50» kóligi joldan ótip bara jatqan adamdardy basyp ótken bolatyn. Oqıǵa ornynda bir adam kóz jumyp, taǵy 4 adam dene jaraqattaryn alǵan.
Jol-kólik oqıǵasy boıynsha sotqa deıingi tergeý bastaldy, sondaı-aq tıisti saraptamalar taǵaıyndalýda.