Nur-Sultandaǵy jańajyldyq shyrsha TMD-daǵy eń bıik 5 shyrshanyń qataryna kirdi
NUR-SULTAN. QazAqparat - TýrStat TMD elderi astanalaryndaǵy eń bıik shyrshalardyń reıtıngisin jasady, dep habarlaıdy QazAqparat tilshisi.
Portaldyń habarlaýynsha, Belarýs, Ózbekstan jáne Túrkimenstan elderiniń astanasyna eń bıik jańajyldyq shyrsha ornatylǵan.
2021 jyly jańajyldyq shyrshanyń bıiktigi boıynsha alǵashqy bestikke TMD elderiniń astanalarynan Ashhabad (41 metr), Tashkent (36 metr), Mınsk (30 metr), Nur-Sultan (25 metr) jáne Bishkek (25 metr) kirgen.
Reseı Máskeýdegi Kreml alańyna 25 metrlik tiri shyrsha ornatqan.
Reseıdegi kóptegen qala bıyl jasandy shyrsha ornatqan, onyń ishinde eń bıigi Krasnoıardaǵy 55 metrlik shyrsha.
Eske sala ketsek, buǵan deıin Qazaqstandaǵy qalalarda qandaı shyrshalar turǵany týraly jazǵan bolatynbyz.
Elordada 22 jeltoqsanda elimizdiń bas shyrshasynyń shamdary jarqyrady. Odan keıin bul úrdis ózge óńirlerde de jalǵasyn tapty. Keı óńirde saltanatty shara onlaın rejımde ótse, keı óńirde shyrsha mańynda sanaýly ata-ana men bala ǵana bolǵan edi.
