Nur-Sultandaǵy jańa gospıtaldiń qurylysy aıaqtalýǵa jaqyn
NUR-SULTAN. QazAqparat - Elordada juqpaly aýrýlarǵa arnalǵan jańa gospıtal qurylysy aıaqtalýǵa jaqyn, dep habarlaıdy QazAqparat qurylys kompanııasyna silteme jasap.
Eń basty nátıje - sońǵy modýldiń ornatylýy boldy. Baspasóz qyzmetiniń habarlaýynsha, 200 oryndyq jańa aýrýhana qurylysy qarqyndy júrip jatyr. Endi ishki baılanys symdary, káriz júıesi men sý qubyrlary qoıylyp jatyr.
Ǵımarattyń ózi ModeX zaýytynda nemis tehnologııasymen aldyn ala ázirlengen bloktardan qurylǵan. Odan bólek, aýrýhana palatalarynda arnaıy gospıtaldik jeldetkish bolady, bul qyzmetkerlerge ınfektsııa juqtyrý qaýpin azaıtatyn kórinedi.
Odan bólek, aýrýhanada arnaıy aýa súzetin júıe ornatylǵan. Esik pen terezeden aýa ótpeıdi. Ár palatanyń óz dárethanasy bolady.
Ótken aptada qurylysshylar BAQ ókilderin shaqyryp, qurylys barysyn kórsetken edi. Joba dırektory Arman Lesbekovtiń aıtýynsha, qurylysta Dúnıejúzilik densaýlyq saqtaý uıymynyń barlyq talaby eskerilgen.
Eske sala ketsek, 3 sáýirde TJ rejımin qamtamasyz etý jónindegi memlekettik komıssııa Qazaqstannyń úsh iri qalasynda juqpaly aýrýlar aýrýhanalaryn salýdy uıǵardy. Onyń qurylysyna tez turǵyzylatyn qurylymdar qoldanylmaq. Ózge elderdegi tez salynatyn aýrýhanalarmen salystyrǵanda, Qazaqstandaǵy ǵımarattar uzaq jylǵa paıdalanýǵa berilmek .
