Nur-Sultandaǵy teatr festıvalinde jıyrmadan astam spektakl qoıylady
Teatr festıvali elordada 28 qazan men 1 qarasha aralyǵynda ótedi. «Astana Opera» teatry men qazaq drama teatry úzdik qoıylymdaryn kórsetedi. Q.Qýanyshbaev atyndaǵy komedııa teatry Á.Mámbetova atyndaǵy orys drama teatry sondaı-aq, elordalyq qýyrshaq teatrlary, MTJO, «Jastar», «Naz», «Astana Musical» teatry da óz ónerlerin ortaǵa saldy. Festıvaldiń qurmetti qonaqtary retinde elordaǵa S.Obraztsova Kishi Bronnaıa atyndaǵy Máskeý drama teatrynyń jáne memlekettik akademııalyq qýyrshaq teatrynyń shyǵarmashylyq ujymdary shaqyryldy.
Bes kún boıy elordanyń teatr sahnalarynda festıval qatysýshylary ózderiniń jetekshi spektaklderin kórsetedi, sondaı-aq sheberlik synyptary, zamanaýı jáne beıneleý óneriniń kórmeleri uıymdastyrylady. Festıval baǵdarlamasyna «Qyz Jibek» operasy, «Abaı-Toǵjan» mýzykalyq dramasy, «Qunanbaı», «Jarqanat», «Romeo men Djýletta», «Jibek» spektaklderi, «Jızel» baleti jáne t.b. kiredi.
«Bul mádenı sharanyń maqsaty mádenıet qaıratkerlerin qoldaý, kórermender úshin de, festıval qatysýshylary úshin de merekelik kóńil-kúı syılaý. Bul festıvaldi ótkizýge alǵash ret qalanyń barlyq ınfraqurylymy, onyń ishinde shaǵyn jáne orta bıznes tartylady. Teatr aptalyǵy kezinde kórmeler, teatr sahnasynyń jetekshi teatrlary men metrleriniń túrli sheberlik synyptary uıymdastyrylady, sondaı-aq qala turǵyndary arasynda spektaklderdiń qyzyqty premeralyq qoıylymdaryna bıletter oınatylady. Teatr aptalyǵyn uıymdastyrýǵa qatysty barlyq aqparat www.visitnursultan.kz saıtynda ornalastyrylady», - dep habarlady buǵan deıin elorda ákimi Altaı Kólginov.
Táýelsizdiktiń 30 jyly ishinde elordanyń mádenı ómiri aıtarlyqtaı ózgergenin atap ótken jón. Osy jyldar ishinde qalada 10-nan astam teatr ashyldy, olardyń ujymdaryn elorda men shet elderdiń kórermenderi jyly qarsy alady.
