Nur-Sultandaǵy taǵy eki saýda úıinde vaktsına egý pýnktteri ashyldy
NUR-SULTAN. QazAqparat - Elordadaǵy taǵy eki saýda úıinde vaktsına egetin pýnktter ashyldy, dep habarlaıdy QazAqparat tilshisi elorda ákimdiginiń baspasóz qyzmetine silteme jasap.
7 mamyrdan bastap elordada taǵy eki saýda úıinde qala turǵyndaryna koronavırýs ınfektsııasyna qarsy vaktsına ege bastaıdy. Vaktsına egý oryndaryn «Artem» jáne «Álem» iri saýda núkteleri tolyqtyrdy.
Qoǵamdyq densaýlyq saqtaý departamenti qalanyń halyq kóp shoǵyrlanǵan aýmaǵynda ornalasqan osy saýda úılerinde vaktsına egý oryndarynyń ashylýy oń jaǵalaý turǵyndaryna vaktsına alýǵa qolaıly jaǵdaı týǵyzatynyn atap ótti.
«Jańa pýnktterde kútý bólmeleri men baqylaý oryndary uıymdastyryldy, vaktsına alǵan adam mindetti túrde 30 mınýt boıy baqylaýda bolýy kerek. Azamattardan osy mańyzdy nárseni umytpaýdy jáne vaktsına alýǵa qatysty barlyq talapty oryndaýdy suraımyz», - deıdi Qoǵamdyq densaýlyq saqtaý basqarmasyndaǵylar.
Eske sala keteıik, halyqty vaktsınamen keń qamtý úshin Altaı qalasynyń ákimi Kólginovtiń tapsyrmasy boıynsha vaktsınalaý pýnktteriniń sanyn úsh esege ulǵaıtty. Búgin elordada vaktsına alý pýnktteri «Mega Silk Way», «Kerýen», «Han Shatyr», «Abý-Dabı Plaza» jáne «Azııa Park» saýda ortalyqtarynda ashyldy. Demalys kúnderi Úlken Shanhaı men Ortalyq bazarda vaktsınatsııa pýnktteri uıymdastyryldy.
