Nur-Sultandaǵy sport keshenderiniń birinen qalta urysy ustaldy
NUR-SULTAN. QazAqparat – Astanalyq polıtsııa qyzmetkerleri jedel-izdeý sharalary kezinde 28 jastaǵy elorda turǵynyn qolǵa túsirdi, dep habarlaıdy QazAqparat Nur-Sultan qalalyq Polıtsııa departamentiniń baspasóz qyzmetine silteme jasap.
Tergeý barysynda kúdiktiniń ózi jattyǵatyn sport keshenderiniń birinde, kıim iletin orynnan kúrtesheniń qaltasynda turǵan «iPhone» markaly uıaly telefonyn qoldy qylǵany anyqtaldy. Urlanǵan zattyń somasy 200 myń teńgeni quraıdy.
Qylmystyq iske qatysty QR QK 188-baby («Urlyq») boıynsha sotqa deıingi tergeý júrip jatyr. Uıaly telefon tárkilenip, ıesine qaıtaryldy.
Onyń elorda aýmaǵyndaǵy osy sekildi ózge de qylmystarǵa qatysy bar-joǵy tekserilip jatyr.
Nur-Sultan qalasynyń Polıtsııa departamenti azamattardy asa muqııat bolyp, qundy zattardy qaraýsyz qaldyrmaýdy suraıdy.
