Nur-Sultandaǵy páter órti: 12 adam jaralanyp, 1 áıel mert boldy
NUR-SULTAN. QazAqparat – Elordada kópqabatty úıde páter órtenip, turǵyndar zardap shekti, dep habarlaıdy QazAqparat qalalyq Tótenshe jaǵdaılar departamentine silteme jasap.
«Búgin saǵat 14:14-te «101» pýltine Kúıshi Dına 39/1 mekenjaıyndaǵy órt týraly habar tústi. Órt sóndirýshiler oqıǵa ornyna 7 mınýtta jetip, ekinshi qabattaǵy páterdiń janyp jatqanyn anyqtady. Órttiń jalpy aýmaǵy 45 sharshy metrdi qurady. Kireberiste qoıý tútin bolǵandyqtan qutqarýshylar turǵyndardy evakýatsııalaýǵa kirisip ketti», - delingen TJD habarlamasynda.
Órt sóndirý kezinde baspaldaq pen qutqarý maskasy arqyly jalpy 20 adam, onyń ishinde 9 bala qutqaryldy. Oqıǵanyń saldarynan túrli jaraqatpen aýrýhanaǵa aldyn-ala boljam boıynsha 12 adam jetkizildi, olardyń 6-ýy – balalar. Naqty zardap shekkender sany anyqtalýda.
«Ókinishke qaraı órt sóndirý kezinde 4 qabattan 1987 jylǵy qyz balanyń denesi tabyldy. Jalyn saǵat 14:37-te aýyzdyqtalyp, 14:41-de tolyǵymen sóndirildi. Órt sóndirýge 9 dana tehnıka jáne 31 adam jumyldyryldy. Tótenshe jaǵdaıdyń sebebi anyqtalýda», - deıdi departament.
