Nur-Sultandaǵy mıgratsııalyq HQO jabylady

NUR-SULTAN. QazAqparat - Elordalyq eńbek mıgranttary jumysqa ruqsatty kez kelgen HQO-dan ala alady, dep habarlaıdy QazAqparat.

«Azamattarǵa arnalǵan úkimet» korporatsııasynyń málimetinshe, 1 qarashadan bastap elordada jumys isteıtin eńbek mıgranttary halyqqa qyzmet kórsetý ortalyqtary arqyly tıisti ruqsat qujattaryn ala bastady.

Atalǵan pılottyq joba QR aýmaǵynda aǵymdaǵy jyldyń 22 maýsymynda bastalǵan bolatyn.

Eger buryn eńbek qyzmetine ruqsat alý nemese uzartý úshin elordalyq mıgranttarǵa tek kóshi-qon HQO-ǵa júginýge týra kelse, endi olar ruqsatty kez kelgen qalalyq qyzmet kórsetý ortalyǵynan ala alady.

Ol úshin HQO-lardyń aqparat júıesi QR ІІM Kóshi-qon qyzmeti júıelerimen yqpaldasyp, bastapqy jáne daıyn qujattardy berý tártibi jeńildedi.

Pılottyq joba bastalǵannan beri elordanyń halyqqa qyzmet kórsetý ortalyqtarynda eńbek qyzmetine 6576 patent berildi.

Qarapaıym HQO-larda jobanyń sátti iske asýyna baılanysty Nur-Sultan qalasyndaǵy Imanov kóshesi, 31 mekenjaıynda ornalasqan kóshi-qon HQO-ny taratý týraly sheshim qabyldandy.

Esterińizge sala keteıik, atalǵan kóshi-qon qyzmeti ortalyǵy 2018 jyldyń qańtarynda ashylǵan bolatyn. Munda «Azamattarǵa arnalǵan úkimet» mamandary kóshi-qon polıtsııasynyń qyzmetkerlerimen birge «bir tereze»qaǵıdaty boıynsha jumys istegen.

Kóshi-qon qyzmeti ortalyǵy ashylǵan sátten bastap «eńbek mıgranttaryna ruqsat berý jáne uzartý» memlekettik qyzmetin 42 myńnan astam sheteldik azamat paıdalandy.