Nur-Sultandaǵy merekelik sharalardy 450 myńnan astam adam tamashalady
Osy kúnge oraı qalada 100-den astam is-shara uıymdastyrylyp, olardyń kópshiligi ashyq alańdarda-saıabaqtarda, skverlerde ótkizildi. Bıyl olardyń sany úsh esege qysqaryp, únemdelgen qarajat áleýmettik jobalardy iske asyrýǵa baǵyttaldy. Degenmen, bul qala kúnin dástúrli astanalyq aýqymda atap ótýge kedergi bolǵan joq. 
Bul kúni qala kóshelerinde merekelik kóńildi ánder shyrqalyp, tamasha aýa raıymen de erekshelendi. Qonaqtar otbasylarymen qýanyshpen jáne merekelik kóńil-kúımen kontsertterge baryp, baıqaýlarǵa qatysyp, bir-birin búkilhalyqtyq Astana kúnimen quttyqtap jatty. Qala kúnine arnalǵan negizgi is-sharalar 4 shildede bastaý aldy. Bul kúni qala ákimdiginiń alańynda «Shattyq» halyqaralyq balalar shyǵarmashylyǵy festıvali uıymdastyryldy. Birneshe kún boıy jas ártister ózderiniń vokaldyq, bı, dızaınerlik daǵdylaryn kórsetti. Sol kúni astanalyqtarǵa unaǵan «Azııa jańǵyryǵy» tsırk óneriniń halyqaralyq festıvali ashyldy. Álemniń 13 elinen kelgen 70 ártis Nur-sultan turǵyndaryn úzdik tsırk nómirlerimen tanystyrdy. Olardyń ónerimen dúıim jurt tanysýǵa múmkindik aldy.
Aıta ketý kerek, festıvalǵa qatysýshylardyń qarasy qalyń boldy. 5 shildede Memlekettik Tý kóterý saltanatty rásimi qala kúnin atap ótýge bastamasy retinde uıymdastyryldy. Osy ýaqytta Nurjol gúlzarynda «Nursultan Nazarbaev: jasampazdyq dáýiri» fotokórmesiniń ashylýyna kóptegen qonaqtar jınaldy. Sol kúni amfıteatrdyń sahnasynda qala ákiminiń kýbogy úshin karaokeden Chempıonattyń jeńimpazdary anyqtaldy.
Taǵy bir alańda - «EXPO» jazǵy sahnasynda the spirit of Eurasia 2019 qazirgi zamanǵy etnıkalyq mýzyka halyqaralyq festıvaline etnostıl súıetinder jınaldy. Eki kún ishinde qonaqtar ártisterdiń qoıylymdaryn tyńdap, atalmysh sharada qýana-qýana serýendedi. Al «Kórme» kórme zalynda astananyń kóp balaly analary osy jyldyń ashylýyna aınalǵan birinshi «Kórpe Fest» kórmesine qatysty. 5 shilde kúni Abaı eskertkishiniń aldynda «Nur-Sultan - elimizdiń bas qalasy, Jastar - bolashaqtyń bastaýy!» taqyrybynda Abaı oqýlary, teatrlandyrylǵan qoıylymdar, mánerlep oqý baıqaýlary jáne kitap kórmesi uıymdastyryldy. Keshkisin qalalyq sahnada «International Street dance Session in Astana» halyqaralyq kóshe bı festıvali uıymdastyrylyp, qatysýshylar qala turǵyndarynyń qalyń qoshemetine ıe boldy. Qalanyń turǵyn alaptary da kontserttik baǵdarlamalardan shet qalmady. «Promyshlennyı», «Internatsıonalnyı», «Jeleznodorojnyı», «Prıgorodnyı», «Úrker», «Kóktal-1» syndy eldi mekenderdegi turǵyndar úshin kontserttik baǵdarlamalar uıymdastyrylyp, atalyp ótti.
6 shildede Astana kúnine jáne Jastar jylyn merekeleý aıasynda elordada jańa «Jekpe-jek saraıy»-nyń ashylýy jáne jaýyngerlik ónerdiń gala festıvali atalyp ótti. Sonymen qatar dál kúni Elorda alańdarynda «Astana samaly» halyqaralyq úrmeli orkestrler festıvalimen kontserttik baǵdarlamalar jalǵasyn tapty. 
Festıvaldiń eń kópten kútken oqıǵasy Astana kóshelerindegi Orkestrler sherýi boldy. Elorda qonaqtaryn qalalyq alańdaǵy plats-kontsert tań qaldyrdy. 6 shilde kúni keshkisin «Barys Arena» muz saraıynyń trıbýnasynda ıne shanyshar oryndar bolǵan joq - munda qazaqstandyq boksshy Jankosh Turarov tıtýldyq jekpe-jegin ótkizgen «Bolashaq ańyzdar» atty kásibı boks keshi bolyp ótti. Qala kúnine oraı ótkiziletin barlyq is-sharalarǵa kóptegen elorda turǵyndary men qatysýshylary qatysty.
Merekelik kóńil - kúı men qonaqtardyń kóńil-kúıleri Astana kúni-qazaqstandyqtardyń eń súıikti merekeleriniń biri ekenin taǵy da kórsetti.
Astana kúnine arnalǵan merekelik is-sharalarǵa 450 myńnan astam adam qatysty.
