Nur-Sultandaǵy qar kúreý jumystary tıimsiz júrip jatyr – QR ІІM
NUR-SULTAN. QazAqparat – QR Іshki ister mınıstriniń orynbasary ıÝrıı Ilın elordadaǵy tolassyz qardy tazartý boıynsha keńes berdi, dep habarlaıdy QazAqparat tilshisi.
«Aldyńǵy kúni Nur-Sultanda aýa raıy jylynyp, jaýyn-shashyn boldy. Saldarynan qalanyń kóptegen aýdandaryn sý basty. Sondyqtan, elorda ákimdigi qardy syrtqa shyǵarý jumystaryn belsendi júrgizýi kerek. Ákimdik birneshe jyldan beri júzege asyryp jatqan drenajdy (jerasty sý arnalary) júıesin, jaýyn sýy aǵatyn káriz qubyrlaryn tekserýi kerek. Bul tekserýdi biz júrgize almaımyz. Endi ýaqyt kórsetedi. Ákimdik qarajat alyp, óz baǵdarlamalaryn iske asyrýda», - dedi ıÝ. Ilın Májiliste jýrnalısterge bergen suhbatynda.
Onyń aıtýynsha, Nur-Sultan aýmaǵyndaǵy qardy shyǵarý jumystary tıimsiz júrip jatyr.
«Árıne, onyń obektıvti sebepteri bar, úsh ese kóp qar tústi, tehnıka men adamdar sharshady. Biraq, keı aýmaqtarda kommýnaldy qyzmetterdiń jumysyn durys uıymdastyrmaý sekildi sýbektıvti saldar da bar. Aqpanda da qar jaýady. Birese jylymyq, birese aıaz bolǵannan qar krıstaldanyp, ylǵaly men massasy artady. Qazir eń aldymen adam kóp baratyn nysandar men úılerdiń shatyryn tazalaý kerek. Jeke sektor turǵyndary da óz aýlasyn tazartýy kerek. Basqa irgeles aýmaqtardy tazartýmen kommýnaldy qyzmetter aınalysady», - dedi ıÝ. Ilın.
