Nur-Sultandaǵy «búkir» kópirde kólik qozǵalysyna shekteý qoıyldy
NUR-SULTAN. QazAqparat – Bas qaladaǵy Bógenbaı batyr dańǵylynyń boıyndaǵy kópirde jol qozǵalysynyń syzbasy ózgerdi, dep habarlaıdy QazAqparat Nur-Sultan qalasy polıtsııa departamentine silteme jasap.
«Bógenbaı batyr dańǵylynyń boıyndaǵy kópirde jol qozǵalysynyń shektelýine baılanysty, Bógenbaı batyr dańǵyly – Ýálıhanov kóshesiniń qıylysynda jáne Bógenbaı batyr dańǵyly – Aımanov kóshesiniń qıylysynda sol jaq burylys pen keri burylýǵa ýaqytsha tyıym salyndy (kópirden túsý baǵytynda). Osyǵan oraı, Bógenbaı batyr dańǵyly arqyly Aımanov kóshesine ońǵa burylyp, Dúkenuly kóshesine ońǵa qaraı jáne Ýálıhanov kóshesine shyǵý baǵyttaryndaǵy marshrýttardy qoldanýdy usynamyz» delingen departament taratqan habarlamada.
Sondaı-aq, atalǵan mekeme kólik júrgizýshilerge yńǵaıly bolýy úshin baǵdarshamdardyń jumys rejımine de tıisti ózgeris engizilgenin habarlaıdy.
