Nur-Sultandaǵy botanıkalyq saıabaqqa aǵash túpteri otyrǵyzyldy
NUR-SULTAN. QazAqparat - Orman sharýashylyǵy qyzmetkerleri kúnine oraı aǵash otyrǵyzý aktsııasy ótti. Aktsııaǵa QR Ekologııa, geologııa jáne tabıǵı resýrstar mınıstrliginiń qyzmetkerleri qatysty, dep habarlaıdy QazAqparat.
Botanıkalyq saıabaqta barlyǵy 150 dana aǵash otyrǵyzyldy. Jalpy aktsııa respýblıka boıynsha ótip jatyr. Búgin 5 myń aǵash otyrǵyzylady dep kútiledi. Aǵashtardyń qatarynda qaraǵaı, qaıyń, qusshıe jáne alma aǵashy bar.
Bul aktsııa QR Prezıdenti Qasym – Jomart Toqaevtyń 2 mlrd. aǵash otyrǵyzý týraly tapsyrmasy aıasynda ótkizildi. Mınıstrlik 5 jyl ishinde Qazaqstandaǵy orman alqabtarynda 2 mlrd aǵash otyrǵyzady. Bul shara Qazaqstannyń barlyq qalalarynda júzege asady.
Aıta keteıik, Qazaqstanda 30 mln ga orman alqaby bar. Orman alqabynyń úlken bóligi Qyzylorda, Jambyl olystaryna tıesili.
