Nur-Sultandaǵy blokpostardan óte alatyn adamdardyń tizimi keńeıtildi

Qazirgi tańda astanada áli de 6 blok-post jumys istep tur. Olardan tómendegi azamattar óte alady:

- qala ómirine qatysty uıymdarda eńbek etetin jumysshylar;

- tótenshe jaǵdaı rejıminen keıin jumysy jandanǵan jumys oryndarynyń qyzmetkerleri;

- saıajaı aýmaǵyna jáne qala shetindegi úılerge bara jatqan adamdar;

- medıtsınalyq anyqtamasy men ruqsatnamasy bar adamdar;

- kóktemgi egis jumystaryna bara jatqan adamdar;

- Tselınograd, Arshaly, Shortandy, Qorǵaljyn aýdanynyń turǵyndary;

- basqa aımaqta tirkelgen, alaıda karantın aýmaǵynan shyǵyp bara jatqan azamattar (blokpostta qajetti qujaty toltyrylǵannan keıin);

- kisi jerleýge ketip bara jatqan adamdar (bes adamnan, eki kólikten artyq emes);

- shet memleketterdiń azamattary;

- jasóspirim balasyna bara jatqan adamdar;

- naýqas týysyna qaraý úshin bara jatqan adamdar;

- Nur-Sultanda turýǵa qajetti qarajaty joq azamattar;

- áýe reısterine, áýe bıletteri boıynsha bara jatqan azamattar;

- Túrkistan oblysyna kómekke bara jatqan azamattar;

- azyq-túlik nemese azyq-túlikke jatpaıtyn kerek-jaraqtardy áketip bara jatqan azamattar;

- tranzıt boıynsha baǵyt alǵan azamattar.

Karantın aýmaǵyn kesip ótip bara jatqan adamdardyń bári de «Sergek-blokpost» aqparattyq bazasynda tirkeledi.