Nur-Sultandaǵy avarııa: Sol jaǵalaýdaǵy keıbir úıler jaryqsyz qaldy
NUR-SULTAN. QazAqparat – Elordadaǵy «Levoberejnaıa» 110/10 kV shaǵyn stantsııasynyń 10 kV kabel kanalynda órt shyǵyp, kabel lınııasy zaqymdandy. Saldarynan sol jaǵalaýdaǵy keıbir turǵyn úıler jaryqsyz otyr. Bul týraly QazAqparat «Astana AREK» kompanııasyna silteme jasap habarlaıdy.
«10 qarashada túngi saǵat 02.04-te atalmysh stantsııadan qosylǵan nysandardyń elektrmen jabdyqtaý lınııalary apat saldarynan aǵytyla bastady. Osy kabel lınııalaryna qosylǵan tutynýshylar órt sóndirý brıgadalarynyń elektr toǵy soǵýyn boldyrmas úshin elektrmen qamtýdan ajyratyldy. Apat saldaryn joıý brıgadalary quramynda, 15 adam jáne 6 arnaıy tehnıka, qajetti jabdyqtarymen shuǵyl túrde jumysqa kiristi. 5 jedel-kóshpeli brıgadalar nysandardy qaıta qosýmen aınalysýda. Qolda bar barlyq mobıldi dızel-generatorlar iske qosyldy. Kabel jelilerin qalypqa keltirý jumystary jalǵasýda», delingen kompanııa taratqan habarlamada.
Kompanııanyń baspasóz qyzmeti QazAqparat tilshisine naqty qaı úılerde jaryq joq ekeni anyqtalyp jatqanyn aıtty.
