Nur-Sultandaǵy aýrýhanalar men emhanalar qalaı jumys isteıdi
NUR-SULTAN. QazAqparat - Nur-Sultan qalasy Qoǵamdyq densaýlyq saqtaý basqarmasynyń basshysy Sáýle Qısyqova elordadaǵy medıtsınalyq uıymdardyń qalaı jumys isteıtinin aıtyp berdi, dep habarlaıdy QazAqparat tilshisi.
«2020 jyldyń 15 naýryzyndaǵy Prezıdenttiń «Qazaqstan Respýblıkasynda Tótenshe jaǵdaı engizý týraly» № 285 Jarlyǵyna sáıkes, Nur-Sultan qalasyndaǵy barlyq medıtsınalyq uıymdarǵa karantın engizildi. ıAǵnı, aýrýhanalarda maskalyq rejim ornap, kelýshilerge tyıym salyndy. Jedel jáne josparly aýrýhanaǵa jatqyzý jumystary jalǵasady», - - dedi basqarma basshysy qala ákimdiginde ótken onlaın brıfıngide.
Bastapqy medıtsınalyq-sanıtarlyq kómekke kelsek, barlyq emhanalar qalypty rejimde tańǵy 8.00-den keshki 20.00-ge deıin demalys pen mereke kúnderi de jumys isteıdi.
Dárigerge jazylý jalǵasa beredi, ishtegi náresteni ýltradybystyq zertteý, kardıotokografııa, zerthanalyq saraptamalar tapsyrý aldyn ala jazylý boıynsha josparly túrde júrgiziledi.
Josparly dárigerlik konsýltatsııalar qashyqtan rejimge aýystyrylady. Múgedekterge beriletin dáriler úılerine deıin jetkiziledi. Balalardy vaktsınatsııalaý ekpe kúntizbesi josparyna sáıkes júrgiziledi. Júkti áıelder josparly tártipte aýrýhanaǵa jatqyzylady.
Ambýlatorııalyq-emhanalyq uıymdarda shuǵyl medıtsınalyq járdem jumysy kúsheıtildi.
Buǵan deıin basqarma basshysy Nur-Sultanda kornavırýs juqtyrǵandardyń basym bóligi 30-49 jas aralyǵynda ekenin málimdegen edi.
Qalada tirkelgen barlyq 25 jaǵdaı boıynsha jaqyn baılanysta bolǵan 244 adam Nur-Sultan men ózge óńirlerdegi aýrýhanalarǵa jatqyzyldy.
Sonymen birge, aldaǵy eki aptada elorda turǵyndaryna koronavırýs ınfektsııasyna qatysty ekspress testileý júrgiziledi. Eske sala ketsek, Qazaqstanda qazir koronavırýs ınfektsııasyn juqtyrǵandar sany 49 adamǵa jetti. Almatyda – 22 adam, Qaraǵandy qalasynda - 2 adam, Nur-Sultanda - 25 adam tirkelgen.
