Nur-Sultandaǵy ár emhanada koll-ortalyq ashylady
NUR-SULTAN. QazAqparat - Jedel járdem qyzmetkerleriniń júktemesin azaıtý úshin árbir emhanada koll-ortalyq jumys isteıdi, dep habarlaıdy QazAqparat.
Bul týraly Nur-Sultan qalasynyń ákimi Altaı Kólginov málimdedi.
«Buǵan deıin jedel járdemge myńnan astam qońyraý kelip tússe, qazir bul kórsetkish 4 myńǵa jetti. Bul - jedel járdem men medıtsına qyzmetkerleri úshin aýyr júkteme. Jedel járdem stantsııasy bazasyndaǵy koll-ortalyq júktemeni jeńildetýge kómektesedi. Endi mundaı koll-ortalyqtar ár emhanadar jumys isteıtin bolady. Bul baǵyttaǵy jumystar da áli jalǵasady», - dep jazdy ákim óziniń instagram paraqshasyn da.
Sonymen birge, ákim telemedıtsına tájirıbesiniń de qolǵa alynatynyn habarlady.
«Sımptomy joq naýqastardy emdeý úshin medıtsınalyq qyzmetkerler beıneqońyraý men ózge de baılanys arnalaryn qoldanyp, naýqastyń densaýlyǵyn baqylaı alady jáne konsýltatsııa júrgizedi. Aýrý belgileri paıda bolǵan jaǵdaıda naýqas aýrýhanaǵa jatqyzylady», - dedi A. Kólginov.
Buǵan deıin ákim PTR testin alatyn mobıldi zerthanalar testtik rejımde jumys isteıtinin málimdegen edi.
Sondaı-aq, kelesi aptada elordada qosymsha 200 tósek-jabdyq berilip, ózge mekemeler naýqas qabyldaıtyn statsıonar retinde jabdyqtalady.
