Nur-Sultanda zırat mańynan 28 jylqynyń óleksesi tabyldy
«17 qyrkúıek kúni shamamen 10:15-te polıtsııaǵa «Nur-Sultan - Kókshetaý» aınalma jolynan 200 metr jerde 28 ólgen maldyń jatqanyn kýáger habarlaǵan. Qazirgi ýaqytta Nur-Sultan qalasynyń polıtsııa departamenti qyrylǵan maldyń ıesin izdep jatyr. Sotqa deıingi tergeý bastalyp, tıisti saraptamalar taǵaıyndalǵan», - dep habarlady astanalyq polıtsııa departamenti.
Polıtseıler ólekseniń júk kóliginen túsirilgenin anyqtady. Olardyń boljamynsha, mal aýa jetpeı qyrylýy múmkin. Ýlaný nusqasy qarastyrylmaıdy.
«Juqpaly aýrýlarǵa tekserý maqsatynda ólgen jylqylardan synama alynyp, QR AShM Veterınarlyq baqylaý jáne qadaǵalaý komıteti Respýblıkalyq veterınarııalyq zerthananyń Aqmola oblystyq fılıalyna jiberildi. Mal ólekseleri «Kamaz» avtokóligimen «Ekopolıgon» qoqys jınaý alańyna jetkizilip, mobıldik ınsınerator peshinde órteldi», - delingen Qalalyq orta sapasy jáne baqylaý basqarmasynyń habarlamasynda.
