Nur-Sultanda jyl sońyna deıin bir mln-nan astam jasyl jelek otyrǵyzylady
NUR-SULAN. QazAqparat - Nur-Sultan qalasynda jasyl jelek otyrǵyzý jumysy bıyl qarqyndy júrip jatyr. Jospar boıynsha 2021 jyldyń sońyna deıin 1 042 468 dana tal otyrǵyzylady, dep habarlaıdy QazAqparat elorda ákimdiginiń resmı saıtyna silteme jasap.
Otyrǵyzylatyn bir mıllıonnan asa jasyl jelektiń ishinde 890 151-i – kóshet.
Kóktemgi tal otyrǵyzý aıasynda josparlanǵan jyldyq kólemnen otyrǵyzylǵan jasyl jelekterdiń sany 489 290 danany (45%) qurady, onyń ishinde qala aýmaǵyna – 37 024 dana jasyl jelek jáne elordanyń «Jasyl beldeýi» aýmaǵyna – 452 266 kóshet otyrǵyzyldy.
Al kúzgi kóshet otyrǵyzý osy jyldyń 15 qyrkúıeginde bastaldy. Onyń barysynda 553 178 dana jasyl jelek otyrǵyzý josparlanǵan. Al 15 qyrkúıekten beri qala aýmaǵynda 115 293 dana aǵash otyrǵyzyldy. Olardyń arasynda qyzyl tal, tatar úıeńkisi, shyrsha, qaraǵaı, qaıyń, emen jáne t.b. bar.
Aýdan ákimderiniń apparattary mynadaı jumys júrgizdi:
«Almaty» aýdanynda – 4 499 dana aǵash, 730 dana buta, 980 p/m butaly qorshaý;
«Baıqońyr» aýdanynda – 615 dana aǵash, 875 dana buta, 17 600 p/m butaly qorshaý;
«Esil» aýdanynda – 8 910 dana aǵash, 11 022 dana buta, 4 520 p/m butaly qorshaý;
«Saryarqa» aýdanynda – 1 791 dana aǵash, 20 dana buta.
Aǵash otyrǵyzý – kez kelgen nysan salynǵannan keıin mindetti túrde iske asýy tıis jumystyń biri. Máselen:
Kólik jáne jol-kólik ınfraqurylymyn damytý basqarmasy avtomobıl joldaryn salý jáne rekonstrýktsııalaý aıasynda 35 481 dana aǵash otyrǵyzdy;
Qalalyq orta sapasy jáne baqylaý basqarmasynyń derekteri boıynsha MTJ, BO, SOO, SÚ jáne t.b. obektilerin salý kezinde – 36 350 dana aǵash otyrǵyzyldy;
Qorshaǵan ortany Qorǵaý jáne tabıǵatty paıdalaný basqarmasy saıabaqtar, skverler salý barysynda 500 dana aǵash pen ótemdik otyrǵyzý aıasynda 14 500 dana aǵash otyrǵyzdy.
Nur-Sultan qalasynyń ákimdigi elorda irgesindegi «Jasyl beldeý» aýmaǵyna erekshe kóńil bóledi. Kúzgi aǵash otyrǵyzý barysynda «Jasyl beldeýge» 437 885 dana kóshet egiledi.
Kúzgi otyrǵyzý jumystary aıasynda barlyǵy 576 278 dana aǵash jáne buta, 32 453 p/m butaly qorshaý otyrǵyzyldy.
