Nur-Sultanda jyl boıy jumys isteıtin Muz aıdyny salynady
Elorda ákimi Altaı Kólginov Instagram-paraqshasynda málim etkendeı, óńirlik ınvestıtsııalyq keńeste jeke ınvestorlardyń qarjysyna salynatyn birqatar joba qoldaý tapty.
«Óńirlik ınvestıtsııalyq keńeste jeke ınvestorlardyń esebinen salynatyn birqatar joba qoldaý tapty. Máselen, Ústel tennısi sport ortalyǵynyń qurylysy. Budan bólek, hokkeı men mánerlep syrǵanaýǵa arnalǵan jabyq muz aıdyny salynady. Bul tek buqaralyq sport túrine jaǵdaı jasap qana qoımaı, sonymen qatar qysqy sport túrleri boıynsha federatsııalarymyzdy tehnıkalyq bazamen qoldaýǵa múmkindik beredi. Sport federatsııalarymen kezdesý barysynda sportshylar nysandar boıynsha, sonyń ishinde muzda sportpen aınalysý úshin saǵattardyń jetispeýshiligi máselelerin kótergen bolatyn.
At sporty kesheninde ıppoterapııa sabaqtary josparlanǵan. Bul, balalardyń sal aýrýy dıagnozy bar adamdardy qajetti sabaqtarmen qamtýǵa múmkindik beredi.
Jumys istep turǵan ıppodrom bazasynda erekshe qajettiligi bar balalardy ońaltýǵa arnalǵan at sporty kesheniniń qurylysyn júrgizip jatyrmyz. Keshen jabyq manejden, minbeden, alańdardan turady. Ippodrom bazasyn 3 baǵyt boıynsha damytamyz: ıppoterapııa, ulttyq jáne klassıkalyq sport túrlerin ótkizý jáne daıyndaý. Sonymen birge týrıstik marshrýttar-atpen serýendeý damytylady», - deıdi A.Kólginov.
Qala basshysynyń aıtýynsha, Prezıdenttiń tapsyrmasyna sáıkes buqaralyq sport túrin nasıhattaý úshin birqatar sport nysany ashylady.
«Kásibı sport federatsııalaryn qoldaımyz, aýlalar men qoǵamdyq keńistikterdi (saıabaqtar, skverler, býlvarlar) salyp, abattandyramyz.
Investıtsııalyq keńeste unnan jasalǵan kondıterlik ónimder shyǵaratyn zaýyttyń, bilim berý nysandarynyń jáne t.b. qurylysyn qoldadyq. Pandemııa kezinde jeke ınvestıtsııalardy tartý qarqyny tómendegen joq, kerisinshe artty. Qoldaý tapqan jobalar baqylaýda, árbir ınvestormen jeke jumys isteımiz», - dep jazdy Altaı Kólginov.
