Nur-Sultanda júzýden ashyq chempıonat aıaqtaldy

NUR-SULTAN. QazAqparat - Júzýden jasópirimder arasyndaǵy Nur-Sultan qalasynyń ashyq chempıonaty jáne el chempıonaty máresine jetti, dep habarlaıdy QazAqparat.

Elordada 18-21 mamyr kúnderi aralyǵynda 2005 jyly týǵan jáne odan kishi jastaǵy qyzdar men uldar arasynda qalanyń ashyq chempıonaty jáne Qazaqstan Respýblıkasynyń birinshiligi ótti. Jarysqa 13 óńirden 240 sportshy qatysty.

Tórt kúnge sozylǵan ashyq chempıonat qorytyndysy boıynsha jalpy komandalyq esepte birinshi oryn 14 altyn, 15 kúmis, 15 qola júlde jeńip alǵan Almaty qalasynyń enshisine tıdi. Elorda komandasy 7 altyn, 7 kúmis, 9 qola júldemen ekinshi oryndy jeńip aldy. Úzdik úshtikti 5 altyn, 3 kúmis, 3 qola medalmen Qaraǵandy oblysynyń sportshylary qorytyndylady.

Jarys jeńimpazdary men júldegerleri dıplom, medal jáne estelik syılyqtarmen marapattaldy.

Elorda ákimdiginiń qoldaýymen ótken Nur-Sultan qalasynyń ashyq chempıonaty karantın talaptaryna saı kórermensiz uıymdastyryldy.