Nur-Sultanda júregi almastyrylǵandardyń velojarysy ótti

NUR-SULTAN. QazAqparat – Astanada «Saý júrek aıy» aktsııasy aıasynda velosherý ótti, dep habarlaıdy QazAqparat QR Densaýlyq saqtaý mınıstrliginiń facebook-tegi paraqshasyna silteme jasap.

Ony «Ulttyq kardıohırýrgııa ǵylymı ortalyǵy» AQ bazasynda qurylǵan «Júrek ortalyǵy» korporatıvtik qory uıymdastyrdy.

Jarysqa 400-ge tarta adam qatysty. Olardyń arasynda medıtsına salasynyń qyzmetkerleri, salaýatty ómir saltyn ustanatyndar, elordalyq belsendi turǵyndar, sondaı-aq júregi almastyrylǵan adamdar da boldy. Olardyń júregine kúrdeli ota jasalǵanyna qaramastan basqalarmen birdeı jarysqa túskeni – Qazaqstan medıtsınasynyń jetistikteriniń aıǵaǵy.

Jarys aldynda MOLDANAZAR toby veloshabandozdardy ásem ánimen jigerlendirip aldy. Ashyq aspan astyndaǵy kontsertinen keıin mýzykanttar da qatarǵa qosyldy. Jarys sońynda utys oıyny ótkizildi.

Jınalǵan qarajat kardıohırýrgııa salasyndaǵy bilim jáne ǵylymdy damytýǵa baǵyttalady.