Nur-Sultanda JRVI-men aýyrý kórsetkishi 3,6 ese ósti
2021-2022 jyldardaǵy epıdemııalyq maýsymda (2021 jylǵy 1 qazannan bastap 2022 jylǵy 17 naýryzǵa deıin) Nur-Sultan qalasynyń turǵyndary arasynda jiti respıratorlyq vırýstyq ınfektsııalardyń 78 414 jaǵdaıy tirkeldi, 100 myń turǵynǵa shaqqandaǵy kórsetkish 6 352,8 qurady, bul ótken jyldyń uqsas kezeńindegi kórsetkishten 3,6 ese joǵary (20 101 jaǵdaı, 100 myń turǵynǵa shaqqandaǵy kórsetkish – 1 739,9).
Epıdemıologııalyq maýsym bastalǵannan beri tirkelgen JRVI jalpy sanynan (2021 jylǵy 1 qazannan 2022 jylǵy 17 naýryzǵa deıin) tumaýdyń 103 jaǵdaıy tirkeldi, qarqyndy kórsetkish 8,3 qurady, onyń ishinde 14 jasqa deıingi balalar arasynda - 4,9 kórsetkishpen tumaýdyń 61 jaǵdaıy (H3N2-102 j., V – 1 j.). Tumaýdyń oń nátıjeleri bar adamdarda COVID-19 anyqtalǵan joq. 2020 jyldyń uqsas kezeńimen salystyrǵanda tumaýmen syrqattaný 1,3 esege azaıdy (2020 jyly 139 tumaý jaǵdaıy, qarqyndy kórsetkish – 12,03 jáne 14 jasqa deıingi balalar arasynda – 63 jaǵdaı, qarqyndy kórsetkish-5,4).
Osy oraıda, Sanıtarııalyq-epıdemıologııalyq baqylaý departamenti JRVI jáne tumaýdan qorǵaný erejeleri týraly eske salady:
- Túshkirý jáne jótelý kezinde murnyńyzdy oramalmen jabyńyz.
- Paıdalanylǵan maılyqtardy dereý tastańyz.
- Eger maılyqtar bolmasa, shyntaǵyńyzdy betińizge qaraı kóterip túshkirińiz jáne jótelińiz.
- Qolyńyzdy kem degende 20 sekýnd sabynmen únemi jýyńyz nemese alkogol bar tazartqysh zatpen qolyńyzdy súrtińiz.
- Jýylmaǵan qolyńyzben kózińizdi, murnyńyzdy, aýzyńyzdy ustamańyz.
- Epıdemııa kezinde qol alysýdan jáne bet súıýden aýlaq bolyńyz.
- Adamdar kóp jınalatyn jerlerden aýlaq bolyńyz nemese ol jerde bolý ýaqytyn azaıtyńyz.
- Immýndyq júıeni nyǵaıtý: vıtamınder qabyldaý, kókónister men jemisterdi jeý, shóp shaılary men ınfýzııalaryn ishý.