Nur-Sultanda JRVI belgisi bar naýqastar bólek emdeledi
NUR-SULTAN. QazAqparat – Nur-Sultanda №10 qalalyq emhanada JRVI belgisi bar naýqastardy bólek emdeıtin fıltr-kabınet ashyldy, dep habarlaıdy QazAqparat tilshisi.
«№10 emhana shamamen 86 myń adamǵa qyzmet kórsetedi. Túrli naýqastardy aralastyrmaý úshin ár ambýlatorııalyq uıymda fıltrler ornatylǵan. Fıltrde qandaı kómek kórsetiledi jáne naýqastar qalaı irikteledi? Bizdiń emhanada balalar men eresekter úshin teplovızorlarmen jabdyqtalǵan jeke kireberister bar. Barlyq kelýshilerdiń dene qyzýy tekseriledi. Eger bizdiń qurylǵylar joǵary temperatýrany anyqtasa, kelýshi dereý fıltr-kabınetke jiberiledi. Sonymen birge, fıltrde úsh baǵyt boıynsha suryptaý júredi», - dep túsindirdi emhana dırektory Gúlnar Alpysbekova.
Ázirge emhanada balalarǵa, eresekterge jáne júkti áıelderge arnalǵan úsh fıltr-kabınet jumys isteıdi. PTR zertteýler úshin bıomaterıal alýǵa arnalǵan taǵy bir kabınet bar. Naýqastar sany kóbeıse, taǵy eki fıltr-kabınet ashý múmkindigi bar.
Sonymen birge, qalanyń árbir ambýlatorııalyq-emhanalyq uıymynda mobıldi brıgadalar jumys isteıdi.
«Olar naýqastardy baqylaý úshin qajet. Bizdegi normatıvke sáıkes, bes myń halyqqa bir mobıldi brıgada bolýy tıis. Bizdiń halyqqa 17 mobıldi brıgada quryldy. Oǵan qosa, bizde ottegi kontsentratorlary bar jáne qosymsha pýlsoksımetrler satyp alyndy. Emhana deńgeıinde naýqastarǵa qajetti dárilik preparattarmen qamtamasyz etemiz. ıAǵnı, aýyryp qalǵan turǵyndar aýrýhanaǵa jatpasa da, dári-dármekpen qamtylady. Qazir kúnine 40-qa jýyq adam emhanaǵa keledi. Fıltrge 20 eresek jáne 18-20 bala túsedi. Qazirgi epıdemıologııalyq maýsymdy eskersek, bul turaqty jaǵdaı», - deıdi G.Alpysbekova.
