Nur-Sultanda jolaýshylar avtobýsy jeńil kólikpen soqtyǵysty
NUR-SULTAN. QazAqparat - Nur-Sultanda avtobýs pen jeńil kólik soqtyǵysty, dep habarlaıdy QazAqparat Polıtsııa departamentiniń baspasóz qyzmetine silteme jasap.
Búgin saǵat 11:45-te «Iveco Crossway» markaly marshrýttyq avtobýsynyń 51 jastaǵy júrgizýshisi A. Ahmetova kóshesimen Petrov kóshesine qaraı júrip kele jatyp, rýlge ıe bola almaı qalyp, qarsy baǵytta kele jatqan «Hyundai Accent» markaly kólikpen soqtyǵysty.
Jol-kólik oqıǵasynan eshkim zardap shekken joq.
«Avtobýs júrgizýshisine qatysty QR Ákimshilik kodeksiniń 610-baby boıynsha ákimshilik óndiris qozǵaldy. Materıal sotqa joldanatyn bolady», - delingen habarlamada.
Nur-Sultan qalalyq Polıtsııa departamenti júrgizýshilerdi aýa raıyna baılanysty jolda abaı bolýǵa, ara qashyqtyqty saqtaýǵa jáne jol erejesin buzbaýǵa shaqyrady.
