Nur-Sultanda jolaýshylar avtobýsy úsh avtokólikpen soqtyǵysty
NUR-SULTAN. QazAqparat - Nur-Sultan qalasynyń polıtsııa departamenti jolaýshylar avtobýsy men úsh avtokóliktiń soqtyǵysýyna qatysty habarlama taratty, dep habarlaıdy QazAqparat tilshisi.
«№12 jolaýshylar avtobýsynyń júrgizýshisi Gete men Birjan sal kósheleriniń qıylysynda aıaldamadan shyǵyp kele jatyp, tehnıkalyq aqaýǵa baılanysty (aldyn ala aqparat boıynsha, gaz basqyshy istemeı qalǵan) taǵy bir №12 avtobýspen soqtyǵysyp qalǵan. Jol-kólik oqıǵasy saldarynan №12 avtobýs toqtaı almaı, aqyry turaqta turǵan «Hyundai» shaǵyn avtobýsyn, «Hyundai N1» avtokóligi men «GAZ 322132» shaǵyn avtobýsyn soqqan», - delingen polıtsııa departamentiniń habarlamasynda.
Atalmysh jol apaty saldarynan «Hyundai» shaǵyn avtobýsyndaǵy jolaýshy áıeldiń biri basynan jaraqat alyp, aýrýhanaǵa jetkizilgen. Polıtsııa departamenti habarlaǵandaı, keıin álgi áıel úıine qaıtarylǵan.
Atalǵan fakt boıynsha qazirgi ýaqytta tekserý jumystary júrgizilip jatyr.
